Biz haqimizda
-
Missiyamiz – ijtimoiy tadbirkorlik, ijtimoiy loyihalarni boshqarish va tadbiq etish bo’yicha zamonaviy bilim va tajribalar hamda amaliy ko’nikmalar berish orqali faol va izlanuvchan yetakchilarning ijtimoiy ehtiyojlarga yechim bo’ladigan innovatsion g’oyalarini rivojlantirishga ko’maklashishdan iborat. Zamonaviy ijtimoiy tabdirkorlik nafaqat ijtimoiy masalalarga yechim topish, balki bu yechimlarni takomillashtirish va tubdan isloh qilishga undaydi. Faoliyatlarimiz orqali tashabbuskor va o’z ustida ishlovchi ijtimoiy tadbirkorlarni shakllantirish jamiyatimizning taraqqiyotiga qo’shgan hissamizdir.
-
Oliy maqsadimiz – tashabbuskor, ijodkor va jamiyatda faol yoshlarning ijtimoiy innovatsion g’oyalarini qo’llab-quvvatlash, salohiyatlarini rivojlantirish va jamiyatning ijtimoiy farovonligiga hissa qo’shishdan iborat. Har bir jamiyatning kuchi uning eng ilg’or va tashabbuskor yoshlar bo’g’inida ekan, maqsadimiz ushbu guruhni o’z oldiga qo’ygan oliy maqsad va vazifalarni amalga oshirishlari uchun zarur ko’nikma va tez-tez yangilanib borayotgan zamonaviy bilim-tajribalar bilan qo’llab-quvvatlashdir.
-
Natijalar – shu kunga qadar Ijtimoiy Tadbirkorlik Maktabi o’ndan ortiq mavzularda bepul onlayn kurslar va jonli treninglar orqali yuzlab yosh o’zbek yetakchilarga ijtimoiy tadbirkorlik ko’nikmalarini berdi. ITM kurslarining bitiruvchilari deyarli barchasi o’zlarining innovatsion va jamiyat foydasini ko’zlagan loyihalarini ishlab chiqqan. Loyiha mavzulari bilan tanishing.
