Ijtimoiy Tadbirkorlik Maktabi onlayn kurslar va resurslar taqdim qilibgina qolmay, kurslarni bitirgan ishtirokchilar uchun turli tadbirlar va mutaxassislar bilan onlayn muloqotlar olib boradi. Bunday tadbirlar maktabning onlayn dasturlari – «Ijtimoiy Tadbirkorlar (IT) Klubi hamda «Mentorlik» dasturlarida olib boriladi.
Ijtimoiy Tabdirkorlar (IT) Klubi barcha Ijtimoiy Tadbirkorlik Maktabi kurslarini bitirgan ishtirokchilar uchun interaktiv o’quv platformasi hisoblanadi. ITK orqali kurslarimizda olgan bilimlaringizni amaliyotda qo’llashingiz va loyihalaringizni amalga oshirishingizda davomiy ravishda ko’mak berib boramiz. Klubda har oy turli soha mutaxassislari bilan qiziqarli mavzularda jonli vebinar va chatlar onlayn tadbir va tanlovlar olib boriladi.
Ijtimoiy Tadbirkorlik Maktabi o’z kurslarini bitirgan yosh ijtimoiy tadbirkorlarni qo’llab-quvvatlashni davom ettirish maqsadida Mentorlik dasturini tashkil etgan. Shu kabi Mentorlik dasturi dunyoning ilg’or universitetlari va tashkilotlari tomonidan ko’p yillar davomida muvaffaqiyatli amalga oshirib kelinmoqda. Ushbu dastur yosh tadbirkorlarga o’z maslahatlari va tajribalari bilan yordam bermoqchi bo’lgan Mentorlar va yosh tadbirkorlarni o’zaro hamkorligini yo’lga qo’yishni o’ziga maqsad qilib olgan.