• Trening haqida

    «G’oyadan amalga oshirishga qadar» deb nomlangan to’rt kunlik intensiv trening xalqaro mutaxassis Alexander Liampert tomonidan O’zbekiston sharoitiga moslashtirilgan taqdimotlar va guruhlarda ishlash uslubida olib borildi. Ishtirokchilar O’zbekistonning turli viloyatlaridan tanlov orqali yig’ilgan tashabbuskor yoshlardan iborat bo’ldi. Trening har qanday ijtimoiy masalani hal qilish uchun tug’ilgan g’oyadan to amalga oshirishga tayyor loyiha holiga keltirish uchun kerakli barcha amaliy va nazariy ko’nikmalarni o’z ichiga oldi. Trening rus va o’zbek tillarida olib borildi.

    Trening Maqsadi:

    ‘G’oyadan amalga oshirishga qadar’ jonli treningi ijtimoiy loyiha yozish jarayonida kerakli bo’ladigan barcha bosqichlarini chuqur o’rganish va tahlil qilishga bag’ishlanadi. Ishtirokchilar trening so’ngida ijtimoiy g’oya nima, uni amalga oshirish uchun qanday bosqichlarni tayyorlash kerak, jamoa tuzish, muammoni aniqlash, baholash va uni yechish bo’yicha strategik reja tuzish, manfaatdor guruhlar bilan ishlash, ularning ehtiyojini aniqlash, loyiha byudjetini va hisobotini tayyorlash, ko’rsatkichlar ishlab chiqish hamda loyihani grant loyiha sifatida tayyorlash usullari haqida bilimlarga ega bo’ladilar. Shuningdek, kichik guruhlarda o’zlari qiziqqan ijtimoiy masalalar bo’yicha amaliy mashg’ulotlar ustida ishlashadi. Trening yakunida ishtirokchilar o’zlari bilan olib kelgan g’oyalarini tayyor loyiha ko’rinishiga keltirishda mutaxassislar tomonidan amaliy maslahatlar olishadi.

    Trener Haqida:

    Alexander Liampert – “Yangi Yevrosiyo” fondining tashkiliy rivojlanishi bo’yicha maslahatchi, MBA o’quv darajasiga ega. Belorussiada tug’ilgan. Loyiha yozish va tadbiq etish, monitoring va baholash bo’yicha ko’p yillik xalqaro tajribaga ega yetakchi mutaxassis. U O’zbekistonda tez-tez xalqaro va mahalliy tashkilot xodimlari uchun loyiha yozish va baholash bo’yicha trening va seminarlar o’tkazib keladi.

    Treninglarimizda ishtirok etish uchun @Uchinchi_sektor telegram kanaliga a’zo bo’lib yangi kurslarga tanlovlarni kuzatib boring, yoki bizga o’z qiziqishlaringiz haqida yozib yuboring.

  • Trening jadvali

    1-kun

    9.00 – 9.45 Ochilish. O’quv dasturi va ishtirokchilar bilan tanishish.
    9.45 – 10.30 Dastlabki test. Loyiha g’oyalari bo’yicha muhokamalar. Guruhlarga bo’linish.
    10.30 – 11.00 Tanaffus
    11.00 – 12.00 NNTlarning maqsadlari, qadriyatlari va faoliyatlari
    12.00 – 13.00 NNTlardagi ijtimoiy loyihalarni ishlab chiqish va amalga oshirish xususiyatlari.
    13.00 – 14.00 Tushlik
    14.00 – 15.30 Konseptual eslatmani ishlab chiqish uchun kichik guruhlarda ishlash.
    15.30 – 16.00 Tanaffus
    16.00 – 18.00 Amaliy mashg’ulot
    18.00 – 18.30 Kunni yakunlash

     

     

    2-kun

    09.00 – 9.45 Loyiha jarayoni va uni tuzilish strukturasi.
    9.45 – 10.30 Loyihaning manfaatdor tomonlarini tahlil qilish. Ehtiyojlarni baholash.
    10.30 – 11.00 Tanaffus
    11.00 –13.00 Loyiha g’oyasini asoslash (muammo va kontekst)
    13.00 – 14.00 Tushlik
    14.00 – 15.30 Maqsadlar, vazifalar va loyiha ko’rsatkichlarining ta’rifi.
    15.30 – 16.00 Tanaffus
    16.00 – 17.30 Maqsadlar, vazifalar va loyiha ko’rsatkichlarini ishlab chiqish uchun kichik guruhlarda ishlash.
    17.30 – 18.00 Kunni yakunlash

     

    3-kun

    09.00 – 10.30 Logical framework matrix (Mantiqiy asoslash jadvali)
    10.30 – 11.00 Tanaffus
    11.00 –13.00 Logical framework matrix ishlab chiqish uchun kichik guruhlarda ishlash
    13.00 – 14.00 Tushlik
    14.00 – 15.30 Loyiha bo’yicha ish rejasini ishlab chiqish. Faoliyat olib borish jadvali. Loyiha byudjetini tuzish.
    15.30 – 16.00 Tanaffus
    16.00 – 17.30 Loyiha natijalarini baholash
    17.30 – 18.00 Kunni yakunlash

    4-kun

    09.00 – 10.30 Loyiha jamoasi shakllanishi va ular bilan ishlash
    10.30 – 11.00 Tanaffus
    11.00 –13.00 Loyiha yozish bo’yicha kichik guruhlarda ishlash
    13.00 – 14.00 Tushlik
    14.00 – 15.00 Loyiha yozish bo’yicha kichik guruhlarda ishlash
    15.00 – 16.00 Grant olish tanlovida ishtirok etish shartlari.  Loyiha bo’yicha hisobot yozish.
    16.00 – 16.30 Tanaffus
    16.30 – 18.00 Yakunlovchi test. Treningni yakunlash.