Oxirgi yillarda nega migratsia ko’rsatkichlari keskin oshdi? Bu o’zgarish qanday ichki va tashqi o’zgarislarga sabab bo’lmoqda? Davlatimizda bu borada qanday ishlar olib borilmoqda? “Dolzarb aloqa” axborot kampaniyasi haqida eshitganmisiz? Ushbu savollarga javoblarni to’liq o’rganish uchun vebinarni tinglang.
2019 yil 26 fevral kuni ITM klubida navbatdagi jonli vebinar mavzusi “Odam savdosiga qarshi kurashishda jamoat tashkilotining ishtiroki” deb nomlandi. Vebinarni ushbu sohadagi ko’p yillik tajribaga ega Shohida Qosimova olib bordiIshtirokchilarimiz taklifiga binoan, ITM fevral oyida odam savdosi masalasiga bag’ishlangan mavzuga e’tibor qaratdi. Jonli vebinarda ikkita taqdimot havola etildi. Birinchi taqdimotda, dunyodagi odam savdosi jinoiy tizimning o’sishi, undagi o’zbekistonlik muhojirlarning o’rni va davlatdan chiqib ketish sabab va oqibatlari haqida to’xtaldi. Ikkinchi taqdimotda esa mutaxassis Shohida Qosimova O’zbekistondagi “Istiqbolli Avlod” ijtimoiy axborot markazining odam savdosiga qarshi olib borayotgan profilaktika va reabilitatsiya ishlari haqida so’zlab berdi. Tashkilot faoliyatining asosiy yo’nalishlaridan biri Axborot kampaniyasi doirasida “Dolzarb aloqa tarmog’i” faoilyatidan misollar keltirdi. Ushbu yo’nalishda 4ta asosiy faoliyatga, 1) profilaktika, 2) javobgarlikning muqarrarligi, 3) jabrlanuvchilarga yordam ko’rsatish, 4) hamkorlik haqida to’xtalib o’tdi. Shohida Qosimova taqdimoti bilan shu yerda tanishishingiz mumkin.
Shohida Qosimova, 1998-2000 yillar davomida Toshkent ixtisoslashtirilgan xotin-qizlar kollejining huquq, xotin-qizlar va bolalaga tibbiy va ijtimoiy yordam ko’rsatishni tashkil etish yo’nalishida o’rta-maxsus, keyinchalik Nizomiy nomidagi Toshkent davlat pedagogika universitetining psixologiya yo’nalishida oliy ma’lumotni qo’lga kiritgan.
2001 yildan hozirga qadar, Respublika “Istiqbolli Avlod” ijtimoiy –axborot markazida avval volontyor, keyinchalik odam savdosini oldini olish bo’yicha axborot kampaniyasida Yoshlar dasturi treneri, shu bilan birgalikda odam savdosi jabrlanuchilarini vatanga qaytishlari va reabilitatsia jarayonida ko’maklashish bo’yicha ijtimoiy xizmat ko’rsatishda ko’maklashib kelgan.
Markaz tomonidan amalga oshirib kelingan OIV profilaktikasi bo’yicha xalqaro loyihalarda ‘aurtich’ ishchisi bo’lib, keyinchalik koordinator vazifalarini bajargan. O’z faoliyati davomida Migratsia bo’yicha xalqaro tashkilotlar, xususan, USAID, UNOD tomonidan jalb etilgan loyihalarni amalga oshirishda ishtirok etgan.
Markaz tomonidan bugungi kunda ijrosi ta’minlanib kelinayotgan, AQSh elchixonasi Giyohvand moddalar va huquqni tadbiq etish bo’limi tomonidan qo’llab-quvvatlanib kelinayotgan «O’zbekistonda odam savdosiga qarshi kurashish dolzarb aloqa tarmog’ini qo’llab quvvatlash» loyihasining xodimi.