• Trening haqida

    Ijtimoiy Tadbirkorlik Maktabi 2019 yildan boshlab onlayn vebinar va kurslarga qo’shimcha, O’zbekiston hududining turli shahar vaviloyatlarida jonli treninglar o’tkazishni ham yo’lga qo’ymoqda. Treninglar ijtimoiy tabdirkorlik sohasidagi zarur bo’lgan bilim va ko’nikmalarga bag’ishlangan dolzarb mavzularda tayyorlanadi.

    Navbatdagi taklif etilgan trening Strategik Rejalashtirish va yetakchilik mavzulariga bag’ishlangan.

    Trening Maqsadi:

    Treningda quyidagi mavzular ko’rib chiqiladi :

    1. Ijtimoiy tadbirkorlik va strategik rejalashtirishni aniqlash;
    2. Ijtimoiy tadbirkorlikning jamiyatdagi roli;
    3. Ijtimoiy korxonalar muvaffaqiyatlarida strategik rejalashtirishning roli;
    4. Jamiyat uchun qiymat yaratishning turli usullari;

    Trener ishtirokchilarni tanqidiy fikrlash va bir qator strategiyalarni baholashni o’zlashtirishlari uchun interfaol ma’ruzalar, mini-guruh mashqlari, individual topshiriqlardan foydalanadi. Mahalliy va xalqaro misollarning to’plami taqdim etiladi va muhokama qilinadi. Trening interfaol tarzda – ma’ruzalar, savol-javoblar va amaliy qo’llanmalar bilan olib boriladi.

    Ishtirokchilar dastlab strategik rejalashtirish tushunchasi va uning ahamiyati bilan tanishadilar, bugungi kompaniyalarning ishlash uslublari tahlil qilinadi. Mini guruhlardagi tadbirlar har bir ishtirokchiga ishtirok etish va o’z fikrini bildirishiga imkon beradi. O’zaro tengdoshlar va murabbiylardan fikr-mulohazalarni olishadi. Olingan bilimlardan o’zlarining ijtimoiy loyihalarida qo’llash va maslahat olish imkoniga ega bo’ladilar.

    Trener Haqida:

    Mamurjon M. Rahimov – Toshkent shahridagi Xalqaro Vestminster Universiteti, Marketing kafedrasi katta o’qituvchisi. Mamurjon M. Rahimov xalqaro diplom va tajribaga ega bo’lgan oliy ta’lim arbobi, tadqiqotchi va konsultant bo’lib, Amerika Qo’shma Shtatlarining Emori universitetida(Emory) marketing va menejment sohalari bo’yicha bakalavr diplomini (Atlanta shahri) va Ilinois universitetida(Chikago shahri) iqtisod sohasi bo’yicha magistrlik diplomini olgan.  2009-yildan buyon Mamurjon Rahimov Toshkent shahridagi Xalqaro Vestminster Universitetida marketing, menejment va iqtisod fanlari bo’yicha dars berib kelmoqda. Marketing sohasida qator yirik davlat va tijoriy kompaniyalar menejerlari va rahbariyatiga maxsus treninglar o’tkazgan va biznes boshqaruvi bo’yicha konsalting xizmatlarini ko’rsatib kelmoqda. Oliy ta’lim sohasidan tashqari, Chikago shahridagi Jahon Savdoni Rivojlantirish Markazida, Uz-DEU Avto kompaniyasida va Korporativ Boshqaruv Markazida ishlagan.

    Treninglarimizda ishtirok etish uchun @Uchinchi_sektor telegram kanaliga a’zo bo’lib yangi kurslarga tanlovlarni kuzatib boring, yoki bizga o’z qiziqishlaringiz haqida [email protected] ga yozib yuboring.

  • Trening jadvali

    1-kun

    9:00 – 9:45 Tanishuv. Trening dasturi va maqsadlari haqida ma’lumot.  Pre-test
    9:45 – 10:30 Asosiy tushunchalar va ta’riflar. Strategiya qoidalari. Mahalliy misollar. Suv sarfini qanday kamaytirish mumkin?
    10:30 – 10.45 Kofe tanaffus
    10.45 – 13:00 Strategik rejalashtirishning ahamiyati. Video: Domino effekti.
    13.00 – 14.00 Tushlik
    14.00 – 14.30 Guruhlarga bo’linish. Mavzu: Marshmellou Chelenj (Marshmallow Challenge)
    14.30 – 15.30 O’zgarishlarni boshqarish. Chet el misollari: 1) Vetnam generalining strategiyasi
    15.30 – 16.00 Kofe tanaffus
    16.00 – 18.00 Guruhlarda ishlash: mashg’ulot. Yakunlash

     

    2- kun

    08.00 – 8.45 Innovatsion radar – strategic rejalashtirishning yo’llari.
    08.45 – 9.30 Mahalliy va xorijiy misollar.
    9.30 – 10.00 Kofe tanaffus
    10.00 –12.00 Guruhlarda ishlash: Innovatsion radarni loyihalaringizga tadbiq qilish
    12.00 – 13.00 Tushlik
    13.00 – 14.30 Prezentatsiya: innovatsion radar bo’yicha loyihalaringiz taqdimoti va munozara.
    14.30 – 15.00 Kofe-tanaffus
    15.00 – 16.00 Individual mashq: loyihangizning strategiyasi tahlili
    16:00 – 17:00 Savol-javob uchun vaqt. Yakunlash: Post-test